Reportajen : Osterlia Muni
Oe-Cusse (lifaupress) : Prezidenti Aosiasaun Korida Cavallo, Mario Muni husu autoridade RAEOA atu sam atensaun ba Kompanhia ne’ebe harii Kampu Korida kuda iha Tono, Cunha, atu finalize parte konstrusaun balun ne’ebe presiza tebes ba seguransa kuda no hoky kuda.
Prezidenti Aosiasaun Korida Cavallo, Mario Muni husu ida-ne’e iha Numbei, sidade Oe-cuuse. Tersa – feira (4/11/2025, bainhira partisipa enkontru Komisaun Organizadora Komemorasaun Aniversariu Proklamasaun Independensia ba dala 50.
“ Presiza tebes tau atensaun ba parte lutu husi kampu kurida kuda ne’e. Tanba iha lutu haleu kampu, la metin ho lutu, nune’e kuda halai sai husi kampu ka linha, nune’e perigu tebes ba kuda, ema ne’ebe sa’e no sira ne’ebe asisti kompetisaun ne’e,” nia dehan.
Iha kompetisaun halai hodi selebra loron mundial prevene desastre Outubru liuba, akontese asidenti ida, ne’ebe kuda hala’i sesta no ema ida sa’e kuda monu. Perigu tebes ba vida, nia informa tan.
Iha selebrasaun Komemorasaun Aniversariu Proklamasaun Independensia ba dala 50 tinan ne’e , Komisaun Organizadora mos desidi atu iha kompetisaun Kurida Cavallo ne’ebe tuir planu abertura sei akontese iha loron 23 Novembru 2025. (*)
