Reportajen : Florentina Bianco da Cruz
DILI (Lifaupress) : Diretor ezekitivu CAMSTL Eudicinito Pinto hatete, Objetivu halo aspozisaun ne’ebé loke primeiru hakarak fó onra ba martires sira, fó sira nia vida ba rai ida ne’e, mate barak masakre iha no ema la hatene loron 12 Dezembru ne’e hanesan masakre reprezenta ba sira hotu-hotu.
Nia hateten ida –ne’e durante entrevista ho jornalista Sira, Tersa-feira (28/10/2025) iha salaun CAMSTL Akait, Dili.
“Entaun momentu ita hakarak mós halo espozisaun ida, ba imajen ne’ebé sei iha, prezerva ne’ebé ita sente abuzamostral valoriza ka lori ita – nia erói sira. Segundu, ita hakarak halo espasu dialogu diskusaun entre jerasaun tuan no jerasaun foun,” Eudicinito Pinto hateten .
Liuhusi sobrevivente sira sei moris, nia hatutan, bele konversa ho estudante sira atu koñese istória memorandu pasadu sira, antes sira bele hatene.
“Ita mós halo intervista ba sobrevivente lubuk ne’ebé iha ne’e. Ita iha plataforma ne’ebe estudante sira bele asesu no bele hare, rona no bele halo diskusaun, hato’o pergunta direita ba sobrevivente. Ekipa mos prepara televizaun iha ne’e, para estudante sira hare no rona depois hatene didiak liu istória ne’ebé iha ba sobrevivente sira,” nia reafirma.
CAMSTL hakarak promove istória, la’os prezerva de’it. Ne’e nuudar siensia ba estudante sira atu hariku konesementu, liu-liu ba ita nia istória ne’ebé maka ita rai ou prezerva hela iha rai ida ne’e,
Diretor ne’e esplika, tinan ida ne’e – prograna istória ba ema hotu la’o ba munisípiu sira hotu iha tinan kotuk. No tinan ida – ne’e, la’o ona ba munisípiu 6, kobre eskola 12.
“Eskola 24 mak ita kobre ona, liuhusi loke filmajen sira ne’ebé ita prezerva durante ne’e, liga hotu ba ita nia istória, memoria hahú husi tempu colonial, invazaun Indonézia no tempu agora tempu konsensaun Estadu,” nia esplika tan.
Partisipante ba programa ne’e, la’os eskola nasional de’it maibe kobre mos estudante sira husi eskola internasional iha teritoriu laran.
“Ita – nia materia ita agora ita prezerva ona iha Portugál no Fransa iha media pro ba institutu Nasional audiovizual boot liu iha mundu iha Fransa. Sira mós komesa prezerva ita – nia kolesaun sira iha ne’ebá, (*)
