Reportagen: Jerino Fernandes Barreto Pereira Bere.
OE-CUSSE (lifaupress) : Estudante Akademika Unpaz klasse Normal,Regiaun Administrativa Espesial Oecusse Ambenu(RAEOA),halo observasaun direita no foer iha merkadu numbei,Costa oecusse,loron Sabado,(11/10/2025)hodi halo observasaun ba lixu iha merkadu laran.
Iha merkadu numbei dosente fakuldade Ciensias sosiais E humanidades(CSH)Maritu De Arauju Hateten objetivu lori estudante mai iha merkadu nee halo observasaun no hili kedas foer sira lori ba sunu no identifika fatin lixu iha merkadu numbei.
“Ita estuda siensia nee laos koalia deit maibe tenke iha pratika iha sosiedade,ezemplu ohin estudante Universidade da Paz (UNPAZ) klasse normal RAEOA husi fakuldade ciensias sosiais humanidades departamentu Relasaun internasional no administrasaun Publika hili foer komesa iha merkadu laran too valeta sira neebe besik merkadu nian.
No lori ba sunu atu nunee anin labele huu tamba estrada husi ida nee mak ita aprende siensia lori halo mudansa iha iha komunidade sira,laos ita aprende siensia ba koalia deit iha Televisaun,youtube,maibe tenke lori siensia nee ba too komunidade nia leet liu husi pratika observasaun hili foer no fatin lixu.nia hateten.
“Pante-makassar furak loos no komunidade sira iha inisiativa soe foer iha lixu fatin,ita haree iha estrada ninin sira laiha foer tamba inisiativa husi komunidade sira.
Dosente Maritu De Araujo mos rekomenda ba autoridade sira estudante sira. ” Ohin hau estudante sira mai iha nee halo ona observasaun ba fatin lixu iha merkadu nian seidauk iha no foer iha merkadu numbei nee ema soe arbiru iha laran no hau oriente estudante sira hili foer sira neebe iha merkadu numbei lori ba sunu.”
Husu ba parte relevante sira ou autoridade RAEOA atu tau matan ba iha merkadu numbei tamba lixu fatin laiha, soe arbiru lixu sira besik merkadu hodi hodi resulta negosiante sira halo sira nia negosiu la ho segura,espera katak autoridade sira sei halo ida nee diak liu tan.
Entretantu jornalista www.lifaupress mos halo observasaun direita iha merkadu numbei katak,
Lixu sira hanesan agua,hahan restu,plastiku,nst soe arbiru la sunu halo negosiente sira faan sira nia sasan la diak,no lixu sira nee mos bele fo benefisiu ladiak ba ita nia saude liuliu komunidade sira hela besik parte merkadu nian. (*)
