Reportajen: Jacinta Mendes Goncalves
Dili (lifaupress): Prezidenti Republika, José Ramos Horta husu ba povu Timor-leste atu simu loron finadu iha klima estabilidade no paz nafatin. Nune’e, Timor-leste bele la’o ba oin nafatin.
Prezidenti Republika, José Ramos Horta hato’o apelu ida -ne’e iha Dili, foin dadaun hafoin fila husi viajen ba Portgal durante loron haat.
“ Ita bele iha frustasaun, maibé ita labele rezolve ita nia frustasaun ho violensia. Buat hotu ita buka razaun hodi halo ho meius pasifiku, inklui entidade Governu. Bainhira iha situasaun ruma, ita intervein ho ibun ho dialogu, nune’e nasaun forsa,” Prezidenti Horta hateten.
Iha parte seluk Prezidenti rekunhese simu karta husi Amu Papa, hato’o agradesimentu ba Estadu, Governu no povu Timor-leste, tanba prepara aan di’ak tebes durante nia vizita iha rai ne’e.
“ Ita hotu hatene ona, bainhira Amo Papa nia vizita, nasaun sira iha mundu inklui Portigal, akompanha. Durante ha’u hasoru sira iha ne’ebá informal, sira hotu hateten, ami akompana vizita Amu Papa nian, kontente hare tamba vizita ne’e la’o di’ak tebes,” Prezident Horta hateten.
Realidade hatudu duni katak, durante Amu Papa-nia vizita, joven no populasaun tomak kolabora di’ak tebes ho Governu no Estadu. La iha asidente ruma no seguransa la’o di’ak.
KONFERENSIA IMPRENSA : Prezidenti Republika, Jos eRamos Horta hala’o konferensia imprensa iha salaun salaun VIP Aeroportu Internasional Nicolau Lobaro, Comoro, Dili, foin dada un hafoin fila husi Portugal, akompaña husi Ministre Negosiu Estranjeiru no Kooperasaun Benedito Freitas, Sekretariu Estadu Komunikasaun Sosial, Expedito Dias Ximenes no Xefe Casa Sivil Palais Prezidensial. Foto LP/Dok Palasiu Prezidensial.
Kona-ba vizita ba Portugal, Xefe Estau ne’e esplika, tanba hetan konvite husi Portugal hodi partisipa konferensia kona-ba natureza iha Lisboa, depois ba Portu simu prémiu iha rezonkeiru litaria ne’ebé koñesidu iha Portugál.
“ Vizita ne’e hanesan konsideradu vizita privadu. Ha’u nia viagem ne’e uma na’in mak konvida atu halo konferensia, hanesan instituisaun ida Munisípiu isturiu tinan tinan honestidade bo’ot naran inova Portugál nia mak organiza patrisionalismu barak sira mak selu ha’u nia viagem, hotel, viagem ne’e 100% privadu,” Horta dehan.
Durante iha Portugal, hasoru Prezidente Portugál, Marcelo Goveia Sousa ne’ebe ko’alia kona-ba natureza iha Lisboa. Hafoin ida ne’e ba kedas iha Portu atu simu prémiu iha reszonkeirus litaria, ne’ebé koñesidu iha Portugál, kada tinan tinan sira sempre fo prémiu.
Antes atu ba, Primeiru Ministru Kayrala Xanana Gusmao ba uluk halo akordu ho Portugál, hodi investe osan dolar amerikanu miliaun 70 mai Timor-leste.
Ne’e Governu nia kompetensia, atu Portugál kontribui ba área baibain, mak edukasaun, justisa no seluk tan.
Iha Prezidente Repúblika, Jose Ramos Horta nia mandatu, tau matan ba diplomasia, liuhusi marka prezensa iha forum internasionais sira, Timor – leste sempre tau nia opiniaun klaru. (*)
