Reportagen: Virginia Vidigal dos Santos
LIKISA(lifaupres) : Sarani Katolika Parokia Sao Joao de Brito Likisa, Sabadu ( 2/11/2024) partisipa Misa Finadu ne’ebe prezidi husi Amu Luis Pereira..
BENSA AI – FUNAN : Amo Luis Pereira, ne’ebe presidí selebrasaun Misa Finadu, Sábado (2/11/2024) iha Igreja Likisa fo bensaun ba ai – funan sira ne’ebe sarani atu lori ba rate iha simiteriu sira. Foto Lifau Press/Virginia Vidigal dos Santos
Iha Misa nee, Amo Luis Pereira hateten, sarani Katolika iha mundu kada tinan sempre selebra Loron matebian ka finadu.
“Loron ida ohin loron, espesial mai ita sarani Katolika Iha mundu tomak, selebra loron mate bian ka Finadu, atu ita Hanoin hikas fila ita nia matebian sira – nia sakrifisio sira Iha mundu ida nee, ” amu selebrante hateten.
“Mate hanesan misterio ida mai ita ema, tamba mate ita la planu no moris hanesan grasa ida mai ita ida idak, nebe eziste Iha mundu nee.
Agradese ba Maromak liu husi nia is moris, nia haraik mai ita no tempu sei too, nia sei bolu fila is nebe niaa haraik ona,” Amu dehan.
Depois de Homilia, Amu selebrante fo bensaun ba aifunan sira, ne’e2wbe sarani sira atu lori ba rate..
Iha selebrasaun Eukaristia, Amu mos husu mai sarani ida idak atu hasae orasaun ba mate bian sira, nunee sira – nia klamar sai Santo hodi mai salva ita ida idak . (*)
HAKMATEK — Sarani sira iha ambiente hakmatek, durante selebrasaun Misa Finadu no bensaun ba Aifunan iha Igreja Sao Joao de Brito Likisa, Sabadu (2/11/2024). Foto Lifau Press/Virginia Vidigal dos Santos
